如果成個 Department 啲人都辭哂職，除左你……

今次個主角又係出哂名最緊要快嘅 HR Director。話說前一排，終於俾小編等到了！HR Director 辭左職，今次同佢鬥長命，竟然係小編贏左！當小編暗爽緊諗住點樣獨自慶祝，收到大隻仔（如果你仲有印象，就係嗰個做零售嘅 HR）嘅 Whatsapp：「你腦細係咪辭職？！我收到風，佢將會去 XXX 公司到做，我有個舊同學喺嗰到做 HR。」

正如小編之前講過，我哋偉大嘅 HR Director 喺行內已經出哂名，好多人一聽到佢個名都會露出獨特嘅表情，之後本住食花生嘅心態，小編當然有繼續同朋友跟進返事態嘅發展。
過左唔夠三日……又收到朋友 Whatsapp：「我個舊同學話佢岩岩辭左職，因為聽得啲傳聞多，話唔想同你腦細一齊做野，寧願辭左先再搵。」

Um……好似無咩大不了姐，而且小編又唔覺得 HR Director 個影響力有咁大，大到連位都未坐落去已經嚇走人。點知……

跟住又一個 Whatsapp：「之後佢仲話，遞完信先知原來全個 HR Department 今朝都辭哂職，連埋 Reception 一共 8 個人！（照咁睇，佢公司嘅 Reception 都係 Under HR Department）唔怪得好似個個都輪住搵大腦細啦！」

之後聽講話喺 HR Director 到埗之前 2 日，全個 Department 同一日 Last Day。 HR Director 加入左一間 9 個 HR Headcount 入面，暫時得佢 1 個 HR 嘅公司。雖然話之前佢都已經開始搵緊人，但大家都心知肚明邊有可能咁快搵到人。佢平時習慣所有野都係指示同監督其他人做，希望佢自己仲記得點做啦。因為將會有一段「短」時間，無論佢點嗌，都唔會有人應佢架啦……

那，哩件事小編都係聽大隻仔講返出黎，真定假就真係無人知，就算個人點惡鯁都好，會唔會未坐低就已經嚇走哂啲老海鮮，哩樣小編都覺得有啲奇，話唔定公司個大腦細本身已經想起哂成條 Team 都唔定，不過正常有少少 Sense 嘅都會好似依家香港咁，慢慢換血，未至於一炮過起走哂你班人，直接空降第二啲人落黎。

不過咁，無論真又好，假又好，識多幾個朋友，收下風係好重要，如果小編當日有廣闊嘅人脈，就唔會年少無知咁加入左哩一間公司，有機會同我哋出名嘅 HR Director 合作……

如果俾著你一坐低，成個 Department 嘅人走哂，你會點？



留言

張貼留言

這個網誌中的熱門文章

圖片
Onboarding 第一日注意事項 – 準時 唔知曾經大家有無睇過一個節目《 90’s 夢飛翔》入面嘅阿輝？！由於之前最高 click rate 嘅一直都係節錄左佢柒咕碌嘅前半段，但最近小編突然好奇後半部分到底係點，所以終於俾小編搵到成個節目。雖然睇睇下真係會有尷尬癌，但係當你睇哂 20 分鐘之後，就會發覺，其實阿輝真係好勇敢，同埋好勇於去追夢！ 90 後萬歲（誤）！！ 不過咁，先唔好錯 Focus ，雖然欣賞佢勇敢，但因年少輕狂，佢 Onboarding 嘅第一日簡直不堪入目，完全係低級錯誤，遲到！ 首先我哋睇下第一段（由第 10 秒開始： https://youtu.be/JrK9zpOHe2Q?t=10 ） 主持人：點呀？第一日返工就遲到呀？ 阿輝（笑住講）：唔識路呀…… 主持人：下？唔識路就早啲出黎囉。第一日返工唔好遲到呀，知唔知呀？ 第一日返工就遲到固然唔應該，但問題係個理由竟然係唔識路，正如主持人咁講，唔識路就早啲出黎，或者直頭之前一日試下去，咁咪識路囉。另一樣野就係你遲到都要施施然咁行過去，仲要笑住咁講，令人覺得你唔認真，所以哩種情況下，點都要交少少戲，就係扮慢跑，最好有少少汗，然後個樣好內疚咁講「對唔住呀，我遲到……」。 第二段（由第 7 分 59 秒開始： https://youtu.be/JrK9zpOHe2Q?t=479 ） 製作助理 Tim ：喂阿輝，你點解仲未到嘅你？喂我咃講明 12 點鐘到到喎。 （到埗後）製作助理 Tim ：今日約幾點？ 阿輝： 12 點。 製作助理 Tim ：依家幾點呀？ 阿輝： 12 點 3 到。 製作助理 Tim ：我隻錶 12 點 4 啦。 製作助理 Tim （向主持人講）：佢話佢會遲一至兩個字到 主持人：幾點打俾你嗰陣？ 製作助理 Tim （向主持人講）：嗰陣時， 11 點 10 到。 黎到第二段，大家需要學嘅係咩呢？就係如果你有事要遲到，絕對唔可以最後 1 至 2 個字先打俾僱主，因為好多時都係 Foresee 到你會遲，除非有突發事件啦。話時話，個製作助理自己講話係約 12 點到到，俾人嘅感覺係 Around 12
閱讀完整內容
圖片
乜都係講 Feel 話說終於過左個農曆新年，小編俾啲姨媽姑姐係咁問做邊行呀、搵幾錢人工呀、拍拖未呀、結婚未呀，搞到差啲無時間打週記…… 今次講下 Feel 哩樣野，時下好多野都係講 Feel ，但估唔到原來以下哩幾樣野都會講 Feel …… 1. 月尾份 OT 錢 有同事投訴話點解佢 OT 錢得咁少，因為佢「感覺」自己哩個月 OT 咗好多個鐘。老實講， OT 又真係慘無人道嘅，真係「由這一分鐘開始計起春風秋雨間」，然後「來回地獄又折返人間」，每一分鐘都難捱到飛起，但無奈嘅係小編都係依照主管交嘅記錄去出糧，如果想推翻哩一個記錄，最好就係自己有啲野揸手，正所謂「誰主張，誰舉證」，你證據都無，又點樣去推翻人哋每一日都 Mark 低嘅記錄呢？唔通真係要人逐日睇返 CCTVB 去睇你幾點到，同埋幾點離開公司？千其唔好單靠感覺，如果唔係小編想幫你都幫唔到。建議各位小薯們自己都 Keep 低 OT 日期同埋時數（當然，放假記錄自己都要 Keep 啦），咁先可以保障返自己。 2. 年假 有個同事發現已經用哂今年啲年假，但係就話自己「感覺」無放過咁多假，所以唔應該已經無哂年假。之但係咁，公司個 System 入面嘅記錄，都係根據同事自己以往遞交嘅假期申請……所以話呢，如果同事自己有記錄低放假嘅日期，放左幾多日假，咁件事就會簡單好多，唔駛口同鼻拗，而自己亦可以對一對自己手頭上嘅資料同公司記錄係咪真係有出入。有時候好多野可能比較麻煩，亦都睇落好似無必要咁，但其實做多一步，就會多一個保障，你永遠唔知幾時有需要用到。去到最後，都係要出動到哩位同事上司嘅記錄，結果佢又真係放哂今年嘅年假……小編心諗，同事都係放假嘅時候，快樂不知時日過姐…… 3. 糧 岩岩出完糧，有同事又投訴話「覺得」今個月出少咗糧俾佢，但小編 Check 咗幾次 System 同埋計法，都係無少到。哩位同事嘅職位係無 Commission ，剩係得份底薪，所以每個月個數都係好穩定（當然， Double Pay 、 Bonus 嗰啲梗係有加）。但係小編解釋咗幾次份糧個計法俾個同事聽，佢都唔係好接受到，但明明份糧就同上個月差無幾，而佢又講唔到到底差幾多，所以小編都唔係好理解到發生緊咩事。 Er ……其實私底下小編都覺得自己戶口
閱讀完整內容
圖片
多做多錯，少做少錯，唔做唔錯？ 仲有幾日就要迎接新嘅一個農曆年嚕，唔知大家有咩豬年願望呢？黎緊升職加人工？日日食完個晏就可以等收工？定抑或唔想再有豬隊友？ Anyway ，無論你有咩願望，小編都希望你夢想成真，不過記得買六合彩，中左咗就咩願望都成真啦。 小編自年輕嘅時候已經有一個願望，就係世界沒日，因為有人嘅地方就有紛擾，哩個係鐵一般嘅事實，反正人類就係不思進取。 就以職場為例，有返工嘅朋友仔，你哋返工嘅時候，曾經有無一刻諗過點解自己坐喺到？為理想？為目標？為社會？為家人？為自己？細細個嘅時候，老師都會話大家讀完書出黎要回饋社會，但試問大家今日做嘅工作係咪真正回饋緊社會，令社會進步緊？小編可以同你講，社會上有 99.9% 嘅朋友仔都只係抱住一個「多做多錯，少做少錯，唔做唔錯」嘅心態工作。演變出哩個心態嘅，正正就係人嘅本能，永遠剩係記得「壞」嘅野。 每當做 Annual Appraisal 嘅時候，腦細除咗讚一兩句虛無縹緲嘅野之外，其餘都係講返一年入面，有咩地方係做得唔好，因為希望你下一年努力啲。永遠你做得幾好都無用，因為做得好係應份，做得差就係你嘅問題。喺 HR 嘅 Performance Appraisal 入面，有一樣叫 Horns Effect ，而偏偏論升職加人工，除咗嗰啲唔做錯事不特只，而又做到好嘅人之外，就係嗰啲唔太突出，但係平時就無做錯事嘅人。正正就係因為人類好容易記得壞嘅野，所以十功都抵唔到一過，變相一野就 on the list 。 Sorry ，唔係升職嘅 List ，而係 blacklist ，姐係今年升職未輪到你。結果，就導致出現「不如唔做咁多，因為唔做就唔錯嘛」。 仲記得當初踏入社會嘅時候，你嗰股熱誠嗎？無時無刻為理想、為目標、為社會、為家人、為自己，好似海綿咁渴望吸盡所有經驗，令自己學得更多嘅野，令自己進步，同時亦深信錯誤同樣可以令一個人成長，無懼挫折同失敗嘅你，依家到底變成咗一個點嘅你呢？有無變成一個每日行屍走肉，不思進取，唔做唔錯，每日返工等收工嘅人？ 如果你已經變成咁嘅話，恭喜你，經過社會嘅歷練同洗禮，你已經成長了，變得深知社會嘅遊戲規則。 不過，你已經到咗終點，哩到已經係你嘅極限了。
閱讀完整內容