發表文章

目前顯示的是 12月, 2018的文章
圖片
千奇百趣 Interview 之 耍套拳黎睇下先啦 年尾啦…… Woo~~ 咁又一年,距離退休又邁進一大步!!!預祝大家新年快樂!!! 最近天氣終於變返真正嘅冬天咁,一方面覺得幾爽,另一方面又搞到小編好懶,連寫都唔多願寫多兩句。 XD 舊時啲人走去見一份工,都會問個應徵者識啲咩,同武打有關係嘅工作,可能都要個應徵者「耍返套拳」黎睇下先。不過小編真係估唔到去到依家哩個年代,見位普普通通嘅水電工都咁非凡,竟然話想耍套拳俾小編睇! 話說臨近年尾,小編公司出左 Post 請 Technician ,入黎嘅申請都有小貓三四隻,睇返份履歷,全部都好似唔錯咁,所以都約佢哋上黎見一見個面,話哂一睇岩就轉個頭俾 Offer 約返工嚕。 其中一個應徵者拳輝,約到上黎就開始面試嘅過程:自我介紹、講下自己以前嘅工作等等。聽左一陣,小編想知道除左份履歷上面寫嘅工作之外,拳輝仲有無其他隱藏技能對公司有用。 點解會咁呢,因為小編亦都深知好多時候,履歷都未必真真正正反映得到一個應徵者嘅所有野。諗深一層大家都明白,一生人流流長,幾隻字又點樣講得哂。所以你當小編想知道更加了解拳輝又好,當小編衰多口又好,循例都會問一問佢有無其他履歷表上面無嘅野。 「 Um ……我後生嘅時候就學過下拳嘅,依家都仲有打開架,駛唔駛我耍返套拳俾你開下眼界?」 欸?大獲!凍得制搞到小編表達得唔係太好,問得唔好搞到拳輝誤會咗!!所以隨即就同拳輝講話唔駛啦,雖然小編都想睇下耍拳,不過一來面試間房咁細,耍起套拳應該會拆哂間房嘅野,而且小編都係想知會唔會有其他技能可以幫到公司,所以就拒絕咗。最後都見到七七八八,都覺得拳輝幾好,循例打埋俾個部門經理上黎見一見…… 雖然拳輝突然間咁爆話耍套拳俾小編睇下,不過同時又可以緩和下面試嘅氣氛都唔錯,同埋傾落都覺得拳輝都係一個正常人,又有恰當嘅技能, Why not have a try ?
圖片
又黎英文名 首先補祝大家冬至快樂,當大家睇到哩篇嘅時候,我相信已經係平安夜了,所以再祝大家平安夜平平安安,祝舊年已經變左三人行嘅大家,再接再勵。 上年提到見過有應徵者叫啲得意嘅英文名,例如咩 Sweetie 、 Alien 、 Cupid 、 Emperor 、 Keepwin ,近幾個禮拜又見到幾個新嘅英文名…… Waiting — 岩岩大左結局嘅 CCTBB 台慶劇《兄弟》入面有個 Sitting ,而哩位女仔就叫 Waiting 啦,雖然唔知佢 Waiting 緊啲咩,不過斷估應該唔會係 Waiting 緊小編約佢平安夜出黎去街街啦。 : ( Monkey — 叫 Monkey 哩位人兄,其實都幾人如其名,因為由佢一入公司大門嗰一刻,佢已經周身郁,彈黎彈去,周圍睇黎睇去,堅係成隻 Monkey 咁,不過如果公司有哩一類人, Annual Dinner 搞氣氛應該相對容易好多。 Handsome — 那,又係哩一類英文名,叫哩一類英文名嘅人,多數就唔似 Monkey 嗰類人咁,哩類人往往同佢嘅樣貌不相符,叫得 Handsome 就一定唔 Handsome ,叫得 Beauty 就一定唔會 Beauty ,又不過咁,凡事都有兩面,咁樣嘅人先有 Gimmick ,容易打入圈子,所以往往哩類人都係鎂光燈下嘅焦點。 Apollo — 太陽神阿波羅呀,型到噴汁!不過再睇一睇個人……算了,話哂都就黎平安夜,免得太毒舌會俾人尋仇。 分享下哩啲英文名俾大家聽,純粹等大家增廣見聞,同埋幫大家為自己嘅小朋友改返個又型又靚又特別嘅名,完全無貶低成分。小編覺得每一個父母改嘅名都有佢背後嘅原因,千其唔好因為一啲無謂嘅原因而放棄,包括俾大家笑兩笑等等;至於如果個名係你自己改嘅,咁呢……就呢……入廁所照下塊鏡,改返個岩自己嘅名啦。
圖片
Side Effects 本來今個禮拜已經諗好左題材,再寫下平時面試遇過嘅搞笑野,不過碌碌下 Facebook 嘅時候,碌返以前睇過嘅一段短片《 Side Effects 》,所以都係想轉一轉今個禮拜嘅 Topic 。   每一個年青人一定都會經歷過最少一個黑暗嘅時期,當下會突然覺得迷茫,唔知每日嘅目標,日日只剩下返工同放工,拖住疲憊嘅身軀返到屋企,對住屋企人、伴侶,有時候甚至會忍唔住將工作嘅壓力發洩喺佢哋身上,事後諗返雖然明知唔岩,但係又唔知點解不自覺地會做出哩種行為,然後又會反覆地覺得好內咎…… 可能喺哩一個時空下,睇緊哩篇文嘅你,正正就係遇到哩一個週期,有一種好迷茫嘅心情,唔知人生哩條慢慢長路點行落去。工作上嘅唔如意,覺得不受上司賞識,升職又唔輪到你,加人工又只係每年按通漲加最多 4 % ,然後仲有三、四十年工要返;感情上嘅唔如意,單身嘅你一直都遇唔到理想中嘅伴侶,可能直頭係仆街磁石,又或者拍拖好多年嘅你,發覺感情已經變淡,唔識得點樣重拾熱戀時期嘅感覺,考慮緊到底應唔應該同對方繼續行落去,定抑或係選擇分手收場…… 明明只係想世界無咁多罪案,社會上唔會有咁多不公,平平淡淡咁有一份工作,放工返到一個溫暖嘅屋企,享受天倫之樂,甚至可能只係睇住電視咁,同自己鍾意嘅人坐喺沙發上面食雪糕,已經係一件好幸福嘅事,但偏偏唔知點解哩個世界係咁嘅樣。漸漸你了解到,哩個世界有咁多紛擾,其實亦係源於人類。有人類嘅地方,就會有猜忌、爭權奪利、為一己私慾而剝削其他人。慢慢開始,你對哩個社會失望,對世界失望,對人類失望…… 哩一刻,可能你會有一種諗法,就係輕生嘅念頭。 小編想對咁樣嘅你講一句: You never walk alone ……你身邊唔係得你一個,最起碼仲有小編喺到陪住你…… 好多人都會覺得一間公司嘅 HR 無咩用,又未做過前線,但又偏偏負責幫前線請人同培訓人,而且出糧又可以俾返會計做,最多就係識多少少勞工法例。不過小編認為其實 HR 亦擔當一個好重要,好似一個大哥哥、大姐姐咁嘅角色。所以小編以前培訓嘅時候,都會同同事講,每當佢哋每論喺職場上定係私事上遇到唔如意嘅事,即管打上黎搵小編傾下分享下。當然,一部分原因係心情影響工作表現,另一部分原因就係大家日對夜對,除左返屋企嘅時間外,其餘時間就係對住哩班同事,某
圖片
去唔去 Annual Dinner ?乜你真係有得揀咩? 如果你認為 Annual Dinner 嘅食物難食,抽獎禮物又唔啱你心水,又或者係啲要求好難為你嘅話,睇下跟住落黎嘅真人真事…… 曾經喺一間公司做過,大大腦細每年臨近 Annual Dinner 都會重複佢嘅命令,就係「無論有咩原因都好, Annual Dinner 都一定要出席」。如果你真係有自以為好重要嘅原因而去唔到個 Annual Dinner ,就需要事前親身去大大腦細間房同佢解釋,睇下佢認為你嘅原因有幾重要,會唔會批准你唔駛去 Annual Dinner 。 小編私底下問過喺到做得最耐嘅同事,似乎未見過有人開到先例得到皇恩浩蕩,可以批准唔駛出席個 Annual Dinner 。而如果諗住唔出聲, Annual Dinner 嗰日偷偷哋直接唔出現,相信以後喺公司都會一直行衰運,對升職、加人工同份 Bonus 嘅大小亦相信有一定影響。 睇到哩到,身為小薯仔嘅你可能會諗:「車,我哩啲小職員,又唔係諗住留得耐,過多兩個月出埋份 Bonus 都遞信啦!」哩個諗法係無錯,身為小薯仔嘅喺哩件事上面,的確係有位走,但對一眾嘅中膠層,走又走唔到,一家大細喺屋企等住你養,又要搏上位,仲要顧住年尾份 Bonus ,真係去一晚當俾鬼壓算啦…… 其中有一年,一個膠層喺年中已經計劃好佢年尾返加拿大探親渡假嘅大計。點知佢假期入面嘅其中一日同 Annual Dinner 嘅日子重疊咗……聽講話佢親自面聖,希望大大腦細可以體諒一下佢,批准佢唔駛去個 Annual Dinner 。點知大大腦細話個選擇權一直都係喺個同事手上,叫佢自己小心啲揀……個膠層除咗返出去做野之外,都無咩好講。同時你係哩個膠層,你會點做? 最後哩個膠層決定兩樣都唔放棄,兩邊都唔得罪。 Annual Dinner 前一個禮拜佢就開始放假,飛咗去加拿大渡佢嘅假,去到第 8 日,即係 Annual Dinner 前一日上機飛返香港。第 9 日中午前返到香港落機,仲有大把時間趕得切參加夜晚嘅 Annual Dinner 。之後第 10 日又坐飛機飛返大拿大繼續放多 10 日嘅假。 原來係真嘅, Think out of the box 、錢解釋到嘅問題就唔係問題,結果兩邊都可以討好,不
圖片
Annual Dinner 禮物贊助 又到年尾,又係啲 Annual Dinner 、春茗出場嘅時候。有啲公司幾有趣(包括小編嘅公司),自己要搞 Annual Dinner ,又要有抽獎,咪公司自己出錢囉,做咩要叫自己平時啲供應商 Sponsor 抽獎禮物?要慳錢都唔係咁樣慳架…… 不過你叫得人哋 Sponsor ,就控制唔到人哋送咩黎。當你見到以下物品,你可能會心諗:不如各位供應商同公司講句:「我哋公司嘅 Policy 係唔可以做哩一類嘅 Sponsor 。」 1) 廁紙 係放喺廁所用,一卷卷嗰隻,個牌子完全未見過,絕對係坊間超市、藥房都絕對搵唔到嗰隻,而哩隻廁紙嘅顏色比較奇特左少少,唔係平時用嘅白色,亦唔係有環保成分嘅啡色,又唔係竹炭嘅黑色,而係一隻好奇怪嘅綠色…… 2) 綿被 唔係想話人 Cheap ,有啲牌子或者質料可以好高檔,如果係全新嘅話……但小編收到一張唔單只係有異味,仲要係有漬嘅綿被。其實手頭緊嘅,真係可以話 Sponsor 唔到,唔駛咁辛苦特登喺倉底搵一張要扔嘅綿被出黎。 3) 餅乾、朱古力等零食 成箱成箱咁送黎,諗住當人人有份咁派俾同事,不過睇清楚,係今日到期……當小編無講過…… 4) 餐具 成套餐具嘅話都唔錯,但係每一隻都唔同款,仲要每個大細得一隻,可以點?!「 WOW ,恭喜哂,你今年抽到一隻叉!終於都有叉用啦!」當你諗住唔抽獎,變做人人有份永不落空嘅時候,睇真啲,隻餐具有裂紋…… 有啲公司會叫膠層捐出抽獎禮物,對於哩樣野,本身個 Idea 都可能幾好嘅。不過咁,其實小編都唔多贊成,因為搵得多就唔一定要捐。如果唔係,出面啲機構呀、名人呀都唔駛成日話搞咩募捐啦,自己搵咁多錢,捐出黎都幫到好多人。最慘嘅係供應商送黎嘅禮物,唔岩駛,都可以當垃圾處理左佢(未必係扔嘅,送俾其他人囉),但係膠層捐嘅話,就算唔岩用,都焗住要用黎抽獎。有啲膠層好識做,會捐現金、手提電話、 Ipad 等等,但都見過比較特別嘅。 1) 文房四寶 係真正嘅文房四寶,唔係話普通原子筆、鉛筆、擦膠嗰啲,而係真正嘅傳統紙、筆、墨、硯。唔係咁多人都有文學修養,小編怕時下岩岩出黎做野嘅年輕人,連毛筆都無見過。 2) 家庭電器 本身又係無問題嘅,但係壞嘅電器就有問題!見到個盒舊