最低工資的迷思 話說小編成日都收到啲同事隊上黎唔同嘅表格，話申請政府哩樣福利、嗰樣福利，跟住叫小編幫佢地填表俾份收入證明。明明小編公司各個職位嘅人工真係唔算低，但係出奇地佢又可以每年都申請到唔同嘅津貼，例如低收入家庭津貼等等。 當然小編知道有部分同事真係幾慘，養住屋企幾隻化骨龍，另一半又要照顧幾條龍仔，最多只可以做份兼職幫補下家計。之不過，小編知道有部分嘅同事都係特登叫另一半唔好返工，然後見工果陣就已經問定話可唔可以唔要雙糧、花紅，同埋要求公司每年唔好加人工俾佢地，就係因為要申請公屋。 本來小編以為啲同事真係好蠢好蠢，但係發覺原來蠢嘅係小編，因為佢哋只係將自己嘅智慧用左喺走精面……要問點解香港社會倒退緊，不停好似漁護署咁講有外來魚入侵，某程度上都係成日將智慧用左喺其他地方，不思進取……（下刪三萬字） 睇返香港嘅堅尼系數（堅尼系數愈接近 1 ，姐係個收入差距愈大），根據統計處公佈嘅 2016 年數字已經係 0.539 ，而統計署雖然仲未出 2017 年嘅數字，不過瑞信嘅 Global Wealth Databook 2017 有指出香港 2017 年嘅堅尼系數竟然有成 0.85 ？！ （小編唔做 Fact Check 啦……大家得閒幫手睇睇哩個資料有無前設） 咁到底靠住現有嘅所謂福利，到底有幾多係真正幫到低收入嘅人？定抑或只係淪為俾啲不思進取、攤大手板問政府拎錢嘅人利用？令到窮者越窮，富者越富嘅現象更甚？ 仲有最低工資嘅倡議，又係另一個問題。上個禮拜日，有建議話提高最低工資至最低 40 蚊，同埋一年一檢。不斷提高最低工資，到最後會唔會發生物價不停上升哩個情況呢，小編都講唔定，只不過會有 99% 會出現啦。點解？因為羊毛出在羊身上，只係將人工增幅轉嫁左俾消費者。其次就係，就算唔提高工資，物價都係照樣上升……（笑） https://news.mingpao.com/ins/instantnews/web_tc/article/20180522/s00001/1526967774450 那，那，那，先旨聲明呀，小編唔係唔同意有福利同最低工資，只不過一味單單加哩樣加嗰樣俾啲市民未必係最有效。成日話學校、公司係社會嘅縮影，講得非常非常之無錯，因為同樣地依家社會正正就係出現緊哩個問題。
發表文章
最高工時的迷思 上個禮拜有一篇新聞話澳洲有一間財務公司推行每天 5 小時工作，小編睇完之後真係「嘩」一聲！如果小編嘅公司可以推行每個禮拜返少啲，唔好話多， Let say 每個禮拜變到返四日，相信同事嘅怨氣都無咁大……（當然小編嘅 Hea 病應該會好返少少） https://www.hk01.com/ 世界說 /187218/ 澳洲一企業推行 5 小時工作 - 人工不變 - 員工效率增 不過咁，要減少工作時數，僱主就梗係死都唔肯，因為開支會大左勁多。啲人仔做少左野，仲要出返一樣既人工，分分鐘仲要請多啲人去頂埋果啲無人開工嘅 Opening Hours 。同時小編諗返起上年睇過另一篇新聞話瑞典有一間老人中心都實施過 6 小時工作，由原本一日工作 8 粒鐘，變到得返 6 粒鐘，發現要請多 17 個人返黎做野，結果兩年黎開支增加左 220 萬美元（咁多嘅？）。作為一位 HR ，某程度上都仲係一個打工仔，唔係話幫住僱主，但係對於佢地黎講，哩條數未必個個都頂得順。 https://www.hk01.com/ 即時國際 /63739/ 標準工時 - 瑞典都呻貴 - 實驗六小時工作 - 歎成本大增不化算 睇完上面兩篇報道，其實只可以話，唔同行業可能要採取唔同嘅措施，未必個個行業都適合完全嘅減低工時。毫無疑問，降低左工時，員工嘅滿足度有一定程度嘅上升，而且少左工作時間，變相佢地要迫住喺短時間內完成既有工作，相對黎講集中力同埋工作效率都會提高左，而且放工之後多左私人時間，都唔駛成日問醫生拎醫生紙啦，因為出黎都唔抵，用幾百蚊先換 6 粒鐘，簡直係蝕到入肉。當然，如果真係減低左工時都仲要 Hea 嘅員工，建議仲係盡早 KO 佢地好過啦。（那，小編只係因為工時太長，先要啲時間去 Hea 下，調節下心情……）仲有仲有，多左私人時間，自然多左消費，出街消費又得，喺網上面禁下禁下咁消費又得，經濟得左。 當服務性行業面對哩個問題，咁樣就難好多了。因為公司嘅營業時間不變，你減少左工作時數，變相一係請多啲人，一係就接受同一時段少啲人手去服務啲客人，想保持服務質素又係一大難題。另外就係對社會嘅問題，依家就話大部分公司都養住啲人 9 粒鐘，跟住哩個城市嘅打工仔就有 8 粒鐘係喺公司入面（或者自己做野嘅地盤到），商場又好，街又好，相
我唔做唔通你去做？ 得閒又講返出左名最緊要快嘅 HR Director ，佢每日都會花唔少時間去分派工作同監察每個工作進度……（嗯……除此之外，佢好似無乜其他野做……） 有一日朝早，當小編努力咁 Update 緊公司 HRIS （ Human Resources Information System ）入面資料嘅時候，我哋嘅 HR Director 失驚無神咁企左喺我後面，然後問：「咦？你依家喺到做緊啲咩？」（心諗：好彩小編嗰陣無 Hea 到，個 Desktop 無開到 Facebook 或者 Po 緊文，如果唔係真心 GG 了……） 咁小編當然老實地答佢：「我 Update 緊公司個 HR System 啲資料。」 點知佢俾我嘅回應係：「吓？哩啲係 Daily Routine 黎架喎，點會花咁多時間做哩啲？！」 佢嗰下反應大到吖，唔講以為佢捉到我淘緊寶…… 我嗰下真係俾佢吹到啤一聲……心諗： Daily Routine 都係工作一部分，咪又係要做！而且唔係話因為係日日做，就講到好似幾分鐘就完成咁，仲有就係，哩 D 咁 Tedious 嘅工作，邊敢勞煩我地偉大嘅膠層呢，無論任何時候都係小編哩 D 小薯仔做架啦…… 個 HR System 有齊哂所有同事嘅個人資料，包括入職日期、薪金、年資、升職紀錄等等，有新同事入職就實入無痴牙。如果遇到 Peak Season ，分分鐘一日都要入成 4 – 5 個人，剩係打個地址都煩到嘔，仲要睇埋佢寫得岩唔岩。膠層成日覺得啲野撳個制，啲資料就彈哂出黎咁好似好容易，其實無諗過背後其實有好多人喺背後默默耕耘…… 咁當然啦，入資料哩家野，小編邊有可能入咁耐，因為同一時間仲做緊好多好多好多好多 x N 次嘅所謂「 Daily Routine 」，我地一齊睇下有咩啦喎…… Interview 需唔需要日日做就視乎公司流失率。有好似我哋偉大嘅 HR Director 哩類膠層，想流失率低都幾難……首先要約 Interview 時間，小編當然成日希望一約個時間，個應徵者即刻無問題啦，但係 10 個有 5 – 6 個都係唔得，唔係話請唔到假，就係話去左旅行，有啲更甚就係話屋企人做手術，要陪左佢…… 那，唔好話小編刻薄定
人蠢可以點樣醫？ 早兩日，腦細傳聖旨召小編入房，叫小編幫佢諗諗辦法，寫份 Proposal ，而個題目係：「點樣可以令啲同事無咁蠢？」 …… …… …… 即時我呆左喺到，唔知俾咩反應腦細……雖然俾佢召得入房，九成九都無好野，但小編諗都無諗過會有哩個咁嘅問題。 首先，點先為之蠢？如果要以 IQ 黎計，應該大部分人都無特登去俾錢測試過，所以暫時無足夠數據去用比較科學嘅方法去區分。 如果唔係有實質證據，咁即係憑感覺啦，小編相信腦細係用自己做 Benchmark ，其他人諗唔到或者做唔到佢嘅要求，就等於蠢。（如果咁講，其實大家都係個比較，總有大把人諗到啲腦細諗唔到嘅野，咁腦細又叫唔叫蠢呢？） 不過咁，小編都覺得好多同事好蠢，因為有啲政策用十種唔同嘅方法解釋俾同事聽，佢哋都仲係理解唔到…… 入返正題，到底蠢可以點醫？小編才疏學淺，唯有上網睇下有咩可以借鑒一下，集思廣益一下。不過睇左一輪，都無搵到啲較為有認受性嘅網站去研究哩個問題…… 一係砍掉重練囉！有啲網站提出話 IQ 係同基因有關係，即係天生嘅，亦即係無．得．醫！如果係咁，不如炒哂班人再請過，順便喺 Interview 加插 Aptitude Test ，廢事之後又投訴新入職嘅同事。（話時話，既然覺得依家班同事蠢，點解又俾佢哋過試用期喎？小編真係百思不得其解……） 有啲研究話 Omega 3 同做運動都可以幫助腦部運作。再唔係公司花啲錢，每日買三文魚或者魚肝油丸請同事食，等佢哋補一補。最好就買埋蔥俾同事食，食蔥聰明呀！至於運動，唔……可以試下叫啲同事返到公司跑下步先開工……又或者大路啲，學出面其他大企業咁，係咪都搞返十個八個培訓，培訓腦部發展，咁同事無借口啦。不過坊間大部分都係啲增值課程，例如商業英語呀，演講技巧呀，客訴處理呀，團隊協作等等……似乎全部增值課程都有一個共通點，就係前設係有返一定嘅智慧水平…… 到底有無一啲「如何提升智慧」嘅培訓，或者係「 IQ 提升工作坊」？完全諗唔到，亦都搵唔到！如果大家有咩好方法記住話俾小編知……（跪求……哭……） 唉，等小編認真諗諗寫啲咩貨仔交出去俾腦細先……（明明腦細先係最蠢嗰個……）