2018 年薪酬 Benchmark

話說小編俾讀者成日話寫得好長，會無咩人睇。咁又係，配合返作為一個 Hea 小編嘅特色，哩個禮拜就寫少 D，Quote 下 D 資料俾大家睇下算啦。

Headhunt 界有間都幾出名嘅公司叫 Michael Page，最近佢哋出左份 2018 年香港薪酬基準報告（禁入去就睇到），等大家睇下自己個行業或者心儀嘅行業，到底開幾多價先叫可接受。

作為 HR，梗係直飛去第 26 頁睇！數字上嘅野唔多講，自己睇啦！

睇完可以見到 D 咩？

其實 HR 哩個行業好講經驗，人工同年資可以話成正比。雖然好睇個人際遇，但一般正正常常嘅 HR 抱住「月有陰晴圓缺」嘅際遇，10 年內都可以上漲到 3 萬蚊一個月。做 HR 係一份唔會令你富貴，但亦都唔會令你餓死嘅工，同時亦令你覺得時光過得好慢。

另外就係好多岩岩畢業嘅 HR 都會諗到底做 All Round 定係特定嘅 Specialist。如果純粹以人工黎講，睇返 Recruitment、C&B、Training 同埋 All Round 比的話，按非正式調查嘅數字黎睇，前幾年做 All Round HR Manager 嘅月薪明顯係會高過做 Specialist。不過睇返今年份報告，似乎做 Recruitment Manager 一枝獨秀，月薪跑贏其他 Specialist 同埋 All Round，與此同時，亦都顯示左要喺依家嘅勞動市場上請到合適嘅人，都有一定嘅挑戰性。

睇到哩到，係咪開始有 D 想轉行，或者直頭唔想入哩行？唔好咁快做決定先。

小編覺得人工唔代表一切，雖然論人工可能無醫生、律師、飛機師咁高，但係喺你嘅世界除左錢，仲剩低乜野？到底你係咪做緊自己鍾意做嘅野？

當然，有邊個人會想返工，甚至如果你將自己嘅興趣變成工作，分分鐘你連個興趣都討厭埋。之不過，如果你覺得有一種職業，係你做得到，又唔抗拒，從心底裡會尊重嘅，大概哩份就係一份合適你嘅工作。

作為一個 HR （雖然 Hea 底），小編可以十分肯定話俾你聽，HR 亦都係專業人士！HR 絕對絕對唔係坊間所講嘅可有可無嘅位置。勞工相關法例固然唔駛講，管理員工、行為決策分析、深層思考等等，哩 D 都係 HR 嘅專業，作為一間公司不可或決嘅位置。小編一直都覺得一個專業嘅 HR 其實係一件好型嘅職業，你覺得呢？

後語：到最後，小編都係改唔到寫得多嘅習慣…… XD 不過如果可以令大家對自己嘅職場前景，或者對哩個世界有多少少嘅希望，少少都得架啦，都算值得掛……

留言

張貼留言

這個網誌中的熱門文章

圖片
Onboarding 第一日注意事項 – 準時 唔知曾經大家有無睇過一個節目《 90’s 夢飛翔》入面嘅阿輝？！由於之前最高 click rate 嘅一直都係節錄左佢柒咕碌嘅前半段，但最近小編突然好奇後半部分到底係點，所以終於俾小編搵到成個節目。雖然睇睇下真係會有尷尬癌，但係當你睇哂 20 分鐘之後，就會發覺，其實阿輝真係好勇敢，同埋好勇於去追夢！ 90 後萬歲（誤）！！ 不過咁，先唔好錯 Focus ，雖然欣賞佢勇敢，但因年少輕狂，佢 Onboarding 嘅第一日簡直不堪入目，完全係低級錯誤，遲到！ 首先我哋睇下第一段（由第 10 秒開始： https://youtu.be/JrK9zpOHe2Q?t=10 ） 主持人：點呀？第一日返工就遲到呀？ 阿輝（笑住講）：唔識路呀…… 主持人：下？唔識路就早啲出黎囉。第一日返工唔好遲到呀，知唔知呀？ 第一日返工就遲到固然唔應該，但問題係個理由竟然係唔識路，正如主持人咁講，唔識路就早啲出黎，或者直頭之前一日試下去，咁咪識路囉。另一樣野就係你遲到都要施施然咁行過去，仲要笑住咁講，令人覺得你唔認真，所以哩種情況下，點都要交少少戲，就係扮慢跑，最好有少少汗，然後個樣好內疚咁講「對唔住呀，我遲到……」。 第二段（由第 7 分 59 秒開始： https://youtu.be/JrK9zpOHe2Q?t=479 ） 製作助理 Tim ：喂阿輝，你點解仲未到嘅你？喂我咃講明 12 點鐘到到喎。 （到埗後）製作助理 Tim ：今日約幾點？ 阿輝： 12 點。 製作助理 Tim ：依家幾點呀？ 阿輝： 12 點 3 到。 製作助理 Tim ：我隻錶 12 點 4 啦。 製作助理 Tim （向主持人講）：佢話佢會遲一至兩個字到 主持人：幾點打俾你嗰陣？ 製作助理 Tim （向主持人講）：嗰陣時， 11 點 10 到。 黎到第二段，大家需要學嘅係咩呢？就係如果你有事要遲到，絕對唔可以最後 1 至 2 個字先打俾僱主，因為好多時都係 Foresee 到你會遲，除非有突發事件啦。話時話，個製作助理自己講話係約 12 點到到，俾人嘅感覺係 Around 12
閱讀完整內容
圖片
乜都係講 Feel 話說終於過左個農曆新年，小編俾啲姨媽姑姐係咁問做邊行呀、搵幾錢人工呀、拍拖未呀、結婚未呀，搞到差啲無時間打週記…… 今次講下 Feel 哩樣野，時下好多野都係講 Feel ，但估唔到原來以下哩幾樣野都會講 Feel …… 1. 月尾份 OT 錢 有同事投訴話點解佢 OT 錢得咁少，因為佢「感覺」自己哩個月 OT 咗好多個鐘。老實講， OT 又真係慘無人道嘅，真係「由這一分鐘開始計起春風秋雨間」，然後「來回地獄又折返人間」，每一分鐘都難捱到飛起，但無奈嘅係小編都係依照主管交嘅記錄去出糧，如果想推翻哩一個記錄，最好就係自己有啲野揸手，正所謂「誰主張，誰舉證」，你證據都無，又點樣去推翻人哋每一日都 Mark 低嘅記錄呢？唔通真係要人逐日睇返 CCTVB 去睇你幾點到，同埋幾點離開公司？千其唔好單靠感覺，如果唔係小編想幫你都幫唔到。建議各位小薯們自己都 Keep 低 OT 日期同埋時數（當然，放假記錄自己都要 Keep 啦），咁先可以保障返自己。 2. 年假 有個同事發現已經用哂今年啲年假，但係就話自己「感覺」無放過咁多假，所以唔應該已經無哂年假。之但係咁，公司個 System 入面嘅記錄，都係根據同事自己以往遞交嘅假期申請……所以話呢，如果同事自己有記錄低放假嘅日期，放左幾多日假，咁件事就會簡單好多，唔駛口同鼻拗，而自己亦可以對一對自己手頭上嘅資料同公司記錄係咪真係有出入。有時候好多野可能比較麻煩，亦都睇落好似無必要咁，但其實做多一步，就會多一個保障，你永遠唔知幾時有需要用到。去到最後，都係要出動到哩位同事上司嘅記錄，結果佢又真係放哂今年嘅年假……小編心諗，同事都係放假嘅時候，快樂不知時日過姐…… 3. 糧 岩岩出完糧，有同事又投訴話「覺得」今個月出少咗糧俾佢，但小編 Check 咗幾次 System 同埋計法，都係無少到。哩位同事嘅職位係無 Commission ，剩係得份底薪，所以每個月個數都係好穩定（當然， Double Pay 、 Bonus 嗰啲梗係有加）。但係小編解釋咗幾次份糧個計法俾個同事聽，佢都唔係好接受到，但明明份糧就同上個月差無幾，而佢又講唔到到底差幾多，所以小編都唔係好理解到發生緊咩事。 Er ……其實私底下小編都覺得自己戶口
閱讀完整內容
圖片
到底咩先叫一個正常嘅應徵者？（下） 除夕嗰晚俾獨獨問左咁多關於見工嘅野，其實無非都係想問一句「到底僱主點先會請我」，而僱主考慮請唔請一個人，當中有好多原因，亦都同空缺嘅 Level 有關。 前線或者係主管級以下職位 1. 期望薪金及可到職日期 喺考慮哩一類嘅職位空缺時，第一樣野就會睇到底開幾錢人工，同埋可以幾時返到工。因為哩一類嘅工作相對黎講，流失率都會大少少，所以當拎起一份 CV 嘅時候，小編會即刻碌到落最底，睇下應徵者寫嘅人工同可到職日期，只要見到開嘅價岩部門 Budget ，而又可以即時返工嘅話，小編都會眼前一亮，最低限度會喺份 CV 停留多一秒。 2. 背景 & 經驗 其次就係考慮返，到底喺應徵者嘅工作生涯當中，所負責嘅 Duties 同埋所擁有嘅經驗，對公司招聘嘅哩個職位有無用，因為好多時候前線或者係主管以下職位，僱主梗係希望可以個應徵者請左返黎，一放佢埋位就識自動自覺做野，一來慳返好多培訓嘅時間，二來亦有機會可以帶到其他公司嘅經驗返黎 Brainstorming 一下點樣去改善一下個 Business Process ，有時候喺做所謂 Business Process Re-engineering (BPR) 嘅時候，哩一班外來人嘅經驗都可以令成件事加速唔少。 雖然背景同工作經驗係其次睇嘅野，但重要性唔代表比較低啲。最主要原因就係喺職場上打滾左一段日子，大家都知份工大約幾錢，開出黎嘅人工都唔會差太遠；而一般通知期都係一個月，所以可到職日期多數都會係一個月後。當期望薪金同可到職日期都差唔多嘅時候，就要睇下到底個 Background 同經驗邊個優勝啲，與此同時，亦唔可以請一個太勁嘅應徵者，因為同時要考慮 Staff Retention 嘅問題，有可能公司長遠未必俾到應徵者想要嘅野，到時又係哂左時間。 主管級或以上職位 基本上上述考慮嘅兩個因素都係調返轉，即是會先睇背景以及相關嘅管理經驗，因為哩一個級別嘅職位都係牽一髮動全身，如果無必須元素嘅話，除左哂左時間之外，亦好大機會影響哂現有嘅公司士氣、文化，甚至業績等。所以就算對方通知期要 3 個月，只要有齊公司所需人材嘅條件同埋元素，同時又係 Within Budget 的話， 3 個月亦都會照等。 好啦，正
閱讀完整內容